بالی وڈ ہدایت کار لکشمن اٹیکر نے آنے والی فلم ’ذرا ہٹ کے ذرا بچ کے‘ کے اداکار وکی کوشل کے مدمقابل ان کی اہلیہ اور اداکارہ کترینہ کیف کو کاسٹ نہ کرنے کی وجہ بتا دی۔
میڈیا رپورٹس کے مطابق ان دنوں ’ذرا ہٹ کے ذرا بچ کے‘ فلم کی تشہیری مہم جاری ہے، تشہیر کے دوران فلم کے ہدایت کار لکشمن اٹیکر سے سوال کیا گیا کہ انہوں نے بالی وڈ کی اداکارہ کترینہ کیف کو اس فلم کے مرکزی کردار کے لئے کاسٹ کیوں نہیں کیا۔
اس سوال کا جواب دیتے ہوئے ہدایتکار نے کہا کہ مجھے نہیں لگتا تھا کہ کترینہ کیف متوسط طبقے سے تعلق رکھنے والی جوائٹ فیملی کی بہو کا کردار نبھا سکتی ہیں۔
’ایسے سوال نہ کرو، شام کو گھر بھی جانا ہے‘ وکی کوشل کی ویڈیو وائرل
انہوں نے مذاق میں کہا کہ اگر کترینہ کیف میری زبان کو سمجھ سکتیں تو میں ضرور انہیں کاسٹ کرتا۔
انہوں نے مزید کہا کہ کیا آپ کو کترینہ کیف ایک چھوٹے شہر کی ہیروئن لگتی ہیں؟ اگر مستقبل میں اچھا اسکرپٹ ملا، جو ان کے مطابق ہو تو وکی کوشل اور کترینہ کیف کے ساتھ ضرور کام کرنا چاہوں گا۔
خیال رہے کہ سارہ علی خان اور وکی کوشل کی آنے والی فلم ’ذرا ہٹ کے ذرا بچ کے‘ ایک رومینٹک کامیڈی فلم ہے، فلم کی کہانی ایک شادی شدہ جوڑے کی ہے جو زندگی کی پریشانیوں سے تنگ آکر طلاق لینے کا فیصلہ کرلیتا ہے۔ یہ فلم 2 جون کو سینما گھروں کی زینت بنے گی۔
رپورٹس کے مطابق آنے والی فلم ’ذرا ہٹ کے ذرا بچ کے‘ کا مرکزی کردار چنچل اداکارہ سارہ علی خان اور اداکار وکی کوشل نے ادا کیا ہے۔
