لاہور : چڑیا گھروں کو انٹرنیشنل اسٹینڈرڈ کے مطابق بنانے کا فیصلہ کرلیا گیا، لاہور کے سفاری پارک کو سنگا پور کی طرز پر جدید بنایا جائے گا۔
تفصیلات کے مطابق لاہور سمیت 4 شہروں میں چڑیا گھروں کو انٹرنیشنل اسٹینڈرڈ کے مطابق بنانے کا فیصلہ کرلیا گیا۔
لاہور کے چڑیا گھر اور سفاری پارک کو بہتر بنانے کے لئے تجاویز طلب کرلی گئیں اور نگران وزیراعلیٰ پنجاب محسن نقوی نے چڑیا گھر وں کو ری ڈیزائن کرنے کا ٹاسک دے دیا ہے۔
- Advertisement -
چڑیا گھروں کی آمدن کا صحیح تعین کرنے کیلئے آن لائن ٹکٹنگ کا نظام متعارف کرایا جائے گا اور لاہور کے چڑیا گھر میں منفرد اور جدید تفریحات فراہم کی جائیں گی۔
لاہور کے سفاری پارک کو سنگا پور کی طرز پر جدید بنایا جائے گا جبکہ چڑیا گھروں میں واکنگ پارک و پلے ایریا بنانے اور سفاری ٹرین چلانے کی بھی تجویز دی گئی۔