پاکستان کے نامور چائلڈ آرٹسٹ نوجوان اداکار زوہاب خان نے ساتھی اداکارہ سے شادی کرنے کا اعلان کیا ہے۔
چائلڈ اسٹار کے طور پر پاکستان اندسٹری میں قدم رکھنے والے حال کے نوجوان اداکار زوہاب خان نے ایک انٹرویو میں بتایا کہ وہ اگلے تین ماہ یا پھر تین سال کے اندر ساتھی اداکارہ وانیہ ندیم سے شادی کرنے کا ارادہ رکھتے ہیں۔
View this post on Instagram
پوڈ کاسٹ میں شادی کرنے کے سوال پر 22 سالہ زوہاب خان نے کہا کہ شادی اگلے تین ماہ یا ایک ماہ کے اندر کرسکتا ہوں لیکن میں خود چاہتا ہوں کہ اگلے تین سال کے بعد شادی کروں۔
اداکار کا کہنا تھا کہ میں چاہتا ہوں کہ اگلے تین سال بعد شادی کروں کیونکہ مجھے اپنے کچھ اہداف حاصل کرنے ہیں، اگر وہ اہداف میں نے اگلے چار ماہ میں بھی حاصل کرلیے تو بھی شادی کرسکتا ہوں۔
اداکار نے پوڈ کاسٹ میں اعلان کیا کہ وہ اداکارہ وانیہ ندیم سے شادی کررہے ہیں، لڑکی تو شادی کرنے کے لیے بالکل تیار ہے، وہ تو کہہ رہی ہے کہ کل ہی شادی کرلو لیکن میں نے اسے مشورہ دیا کہ نہیں پہلے اپنا کیریئر بنا لیں پھر شادی کریں گے۔
اداکار نے کہا کہ والد کے انتقال کے بعد مجھ پر اور میرے بڑے بھائی پر جلد ہی گھر کی ذمہ داریاں آگئی تھیں اس لیے ابھی شادی نہیں کرسکتا لیکن جلد ہی کروں گا۔
View this post on Instagram
واضح رہے کہ زوہاب خان کئی نامور ڈراموں میں چائلڈ اسٹار کے طور پر کردار ادا کرچکے ہیں انہوں نے اے آر وائی ڈیجیٹل پر نشر ہونے والا مشہور ڈرامہ ’عمر دادی اور گھر والے‘ اور پنجرہ میں بھی اداکاری کے جوہر دکھائیں ہیں۔