احتساب عدالت نے آصف علی زرداری کو نیب ریفرنسز میں حاضری سے استثنیٰ دے دیا، آصف علی زرداری کی جانب سے وکیل فاروق ایچ نائیک حاضر ہوں گے۔
احتساب عدالت نے آصف علی زرداری کو نیب ریفرنسز میں حاضری سے استثنیٰ دیتے ہوئے کہا کہ جب بھی ضرورت ہوگی، آصف زرداری کو بلالیا جائے گا، سیکورٹی خدشات کی وجہ سے حاضری سے استثنیٰ دیا گیا۔
اس سے قبل نیب ریفرنسز کیس کے دوران آصف زرداری کے وکیل فاروق ایچ نائیک نے پانچوں ریفرنسز میں بریت کی استدعا اور آصف زراری کی حاضری سے استثنیٰ کی درخواست کی تھی۔
کیس کی سماعت کے بعد فاروق ایچ نائیک نے میڈیا سے گفتگو میں کہا کہ سیکیورٹی خدشات کی وجہ سے زرداری کی حاضری سے استثنیٰ کی درخواست کی گئی۔
نیب کے وکیل اکبر تارڑ نے کہا کہ ہم درخواستوں کی مخالفت نہیں کرتے اس کا فیصلہ عدالت کو کرنا ہے کہ بریت کی درخواستوں کا اثر مقدمے پر ہوگا یا نہیں۔
