ہلمند: افغانستان کے صوبے ہلمند میں چیک پوسٹ پرطالبان کے حملے میں بیس سیکورٹی اہلکار ہلاک ہوگئے۔
غیرملکی خبرایجنسی کے مطابق طالبان کے ایک گروپ نے جمعے کی رات کو موسی قلعہ ڈسٹرکٹ میں سیکورٹی فورسزکی چیک پوسٹ کونشانہ بنایا، فورسز کی جوابی کارروائی میں متعدد طالبان کی ہلاکت کی بھی اطلاعات ہیں۔
مقامی پولیس حکام کا کہنا ہے کہ فورسز اور طالبان کے درمیان مقابلہ کئی گھنٹے جاری رہا۔
- Advertisement -
فورسز نے علاقے کی ناکہ بندی کرکے بڑے پیمانے پر سرچ آپریشن شروع کردیا ہے۔
واضح رہے کہ گزشتہ ماہ بھی افغانستان کے صوبے بدخشاں میں طالبان کے حملے میں 18 سیکیورٹی اہلکار ہلاک ہوئے تھے۔
