اسلام آباد: وزیراعظم نوازشریف نے کہا ہےکہ افغانستان میں امن عمل کی مکمل حمایت کرتے ہیں، پاکستان ہر مشکل گھڑی میں برادر ہمسایہ ملک کے ساتھ ہے۔
پاکستان میں افغانستان کے سفیر جانان موسٰی زئی نے وزیراعظم نوازشریف سے ملاقات کی اور دوطرفہ دلچسپی کے امور پر تبادلہ خیال کیا، وزیراعظم نےدونوں ممالک کے درمیان وزارتی فیصلوں پر عملدر آمد کیلئے فوکل پرسن کے تقرر کی منظوری بھی دی، افغانستان بھی فوکل پرسن کا تقرر کریگا۔
اس موقع پر وزیراعظم کا کہنا تھا کہ افغانستان میں نئی حکومت کےآنےکے بعد دونوں ملکوں میں تعلقات فروغ پارہےہیں، نوازشریف کاکہناتھاکہ پاک افغان بزنس کونسل کا اجلاس چند ہفتوں میں ہوگا،جس سےعالمی سرمایہ کاروں کودونوں ممالک میں سرمایہ کاری کےمواقع ملیں گے۔
دونوں ممالک میں سیکیورٹی تعاون کےاضافہ پر اظہار اطمینان کرتے ہوئے وزیراعظم کاکہنا تھاکہ آرمی چیف کےدورہ افغانستان سےاہم امور پرپیشرفت ہوئی، افغان سفیر نےہرمشکل کی گھڑی میں پاکستان کی جانب سےاظہاریکجہتی پر افغان صدراشرف غنی کی جانب سےوزیر اعظم کاشکریہ ادا کیا۔
