شمالی وزیرستان : پاک فضائیہ کے جیٹ طیاروں نے علاقے شوال میں کارروائی کرتے ہوئے پندرہ دہشتگرد ہلاک کردیئے۔
آئی ایس پی آر کے مطابق آج صبح شمالی وزیرستان کی تحصیل شوال میں جیٹ طیاروں نے عسکریت پسندوں کےپانچ ٹھکانوں کو نشانہ بنایاجس کے نتیجے میں پندرہ دہشتگرد ہلاک ہوگئے،جیٹ طیاروں کی کارروائی میں عسکریت پسندوں کے پانچ ٹھکانوں کو بھی تباہ کردیا گیا۔
شمالی وزیرستان میں دہشتگردوں کے خلاف سترہ جون کو شروع ہونےوالا آپریشن ضرب عضب کامیابی کے ساتھ جاری ہے، آئی ایس پی آر کے مطابق ہلاک دہشتگردوں میں بڑی تعداد ازبک، تاجک اور دیگر ممالک سےتعلق رکھنے والےشدت پسندوں کی ہے۔
