گجرات : پاکستان تحریکِ انصاف آج گجرات میں عوامی طاقت مظاہرہ کرے گی، اس وقت گجرات میں موسم ابر آلود ہے اور تیز ہواؤں کا سلسلہ جاری ہے، جلسے کی تیاریاں اور سیکورٹی کے انتظامات کیے گئے ہیں۔
تحریکِ انصاف کے جلسے کا پنڈال ظہور الہٰی اسٹیڈیم گجرات میں سج گیا ہے ، تحریکِ انصاف کے چیئرمین عمران خان کا کہنا ہے کہ دھرنا ہر اس مظلوم کے لئے ہے جنھیں حکمران بھول گئے ہیں، نئے پاکستان میں ان کی قدر ہوگی، جن کو پرانے پاکستان نے کچلا ہے۔
ان کا کہنا تھا کہ وزیراعظم نواز شریف جلدی استعفی نہ دیں ابھی تحریکِ انصاف کا پیغام ملک کے تمام مظلوموں تک پہنچانا ہے۔
- Advertisement -
پی ٹی آئی کارکنوں کی بڑی تعداد اپنے قائد کا بھرپور استقبال کرنے کے لیے تیار ہے ۔
