لاہور:اے آر وائی نیوز کے سی ای او سلمان اقبال کے پیش ہونے پر لاہور ہائی کورٹ نے تعریف کی اور کہا سلمان اقبال کا بیرون ملک سے حاضر ہونا قابل تحسین ہے۔
لاہور ہائی کورٹ میں اے آر وائی نیوز سے متعلق کیس کی سماعت کے موقع پر سی ای او سلمان اقبال بنفس نفیس پیش ہوئے،جسٹس مظاہرنےسلمان اقبال کےعدالتی احترام میں پیش ہونے پر کہا کہ وہ پیرس سےعدالت میں پیش ہونے کے لئے آئےجو قابل تعریف ہے،سلمان اقبال اگر تحریری جواب بھی بھیج دیتے توعدالت قبول کرلیتی۔
سلمان اقبال نے کہا کہ اے آر وائی گروپ نے ہمیشہ عدالتوں کا احترام کیا ہے،اے آر وائی کی تاریخ گواہ ہے کہ وہ ہمیشہ حب الوطنی سے سرشار رہے ہیں،اے آر وائی نیوز کے وکیل کے کہنا تھا اے آر وائی نیوز نے ہمیشہ عدلیہ کا احترام کیا،عدلیہ کی بحالی کے لئے جو جدوجہد کی اس کی بھاری قیمت ادا کرنی پڑی۔
