لاہور: لاہور ہائی کورٹ نےعمران خان کا مارچ رکوانے کی درخواستوں کی سماعت کے لیے فل بینچ تشکیل دے دیا ہے۔
لاہور ہائی کورٹ کےجسٹس خالد محمود خان کی سربراہی میں تین رکنی بینچ درخواستوں کی سماعت کرے گا، بینچ کے دیگر دو اراکان میں جسٹس شاہد حمید ڈار اور جسٹس انوار الحق شامل ہیں۔
تحریک انصاف کا لانگ مارچ رکوانے کےلیے دو مختلف درخواستیں دائرکی گئی ہیں، جن میں موقف اختیار کیا گیا ہے کہ چودہ اگست کو احتجاج سے ملک میں انتشار پیدا ہوگا اور بین الاقوامی طور پر پاکستان کی بدنامی ہوگی۔
- Advertisement -
درخواست گزاروں نے استدعا کی ہے کہ عدالت حکومت اور اپوزیشن کو مذاکرات سے مسائل حل کرنے کاحکم دے جبکہ چودہ اگست کو ہونے والا لانگ مارچ بھی روکنے کا حکم دیا جائے۔
