واشنگٹن : امریکی وزیرخارجہ جان کیری نے کہا ہے کہ یوکرین میں ملائیشین طیارے کی تباہی میں روس کے ملوث ہونے کے بہت سے شواہد ملے ہیں، روس باغیوں کے اقدامات کی ذمہ داری قبول کرے۔
غیرملکی خبر ایجنسی کے مطابق امریکی وزیرخارجہ جان کیری نے میڈیا سے گفتگو میں کہا کہ روس نے باغیوں کو طیارہ شکن نظام اور تربیت فراہم کی، روس نے ان اقدامات کی ذمہ داری قبول کرے، روس کے طیارے کی تباہی میں ملوث ہونے کے کافی شواہد موجود ہیں۔
انہوں نے کہا کہ باغیوں نے طیارے میں ہلاک ہونے والوں کی لاشیں نکالنے میں شدید لاپرواہی کا مظاہرہ کیا، یوکرین میں تباہ ہونے والے ملائیشین طیارے میں عملے کے ارکان سمیت دوسوپچانوے افراد سوار تھے۔
