جگارتہ : انڈونیشا کے نو منتخب صدر جوکو ودودو نے ملک میں انقلابی اصلاحات لانے کا اعلان کیا ہے۔
دنیا کی تیسری بڑی جمہوریت انڈونیشیا میں حالیہ صدارتی انتخابات میں کامیابی حاصل کرنے والے جوکو ودودو کا کہنا ہے کہ اقتدار میں آتے ہی ملک کو ترقی کی طرف گامزن کرنے کے لیے اصلاحات کی جائیں گی۔
جو کو ودودو نے کہا کہ اقتدار میں آتے ہی ملک کے بنیادی ڈھانچے میں تبدیلی لائے جائے گی جبکہ سرمایہ داروں کے لیے بھرپور مواقع فراہم کیے جائیں گے، جوکو ودودو اس سال اکتوبر میں منصب صدرارت پر فائز ہوں گے۔
