فاسٹ فوڈ کی دنیا کے بڑے نام میک ڈونلڈز کا کہنا ہے کہ وہ نیوزی لینڈ میں خاتون کے ہیم برگر سے لال بیگ نکلنے کے معاملے سے آگاہ ہیں۔
اینا صوفیہ نامی خاتون نے دعویٰ کیا ہے کہ اس نے ہفتے کی رات ایک بگ میل خریدا جس میں سے اس وقت ایک لال بیگ برآمد ہوا جب وہ اسے آدھا کھا چکی تھی۔
خاتون کا کہنا ہے کہ ’’لال بیگ ان کے ہیم برگر کے بالکل درمیان میں تھا اورجب انہوں نے اسے چبایا تو انہیں محسوس ہوا کہ وہ ایک نرم ہڈٰی ہے‘‘۔
خاتون نے میک ڈونلڈ سے شکایت نہیں کی لیکن اس کی تصویریں کھینچ کرفیس بک پرلگادیں اور اپنے محسوسات کا اظہار کیا۔
ان کا کہنا تھا کہ وہ بہت برا اور بیمارتصور کررہی ہیں جیسے کسی نے ان پرکسی نے تشدد کیا ہے۔
میک ڈونلڈز کا کہنا ہے کہ جیسے سوشل میڈیا پر انہوں نے الزامات کا سلسلہ دیکھا تو خاتون سے رابطہ کیا اور بچھا کچھا برگر اور وہ چیز حاصل کی جسے خاتون نے لال بیگ کہا ہے تا کہ اس کا لیبارٹری میں ٹیسٹ کیا جاسکے۔
ادارے نے یہ بھی کہاکہ ہیلتھ انسپکٹرز نے ہمارے ریستوران کا معائنہ کیا ہے اور انہیں کیڑوں کا کوئی سراغ نہیں ملا۔
میکڈونلڈزنے مزید کہا کہ یہ بات بھی قابلِ ذکر ہے کہ خاتون نے ڈرائیو تھرو سے حاصل کیا اپنی گاڑی میں گھر لے کرگئیں جہاں یہ واقعہ پیش آیا۔
