اسلام آباد: پاکستان نے یمن میں عرب اتحاد کی جانب سے فضائی کارروائیاں روکنے کا خیر مقدم کیا ہے، پاکستان کا کہنا ہے کہ اس اقدام سے مسئلے کے حل میں مدد ملے گی۔
دفترِخارجہ کی ترجمان تسنیم اسلم نے ٹوئٹ میں کہا کہ پاکستان یمن میں حوثی باغیوں کے خلاف سعودی عرب کی زیرِقیادت اتحادیوں کے حملے ختم کرنے کا خیرمقدم کرتا ہے۔
انھوں نے کہا کہ حملے رکنے سے یمن کے مسئلے کا سیاسی حل ڈھونڈنے کے لئے فضا سازگار ہوگی، سعودی عرب اوراتحادی ملکوں نے یمن میں باغیوں کے خلاف چارہفتوں سے جاری فضائی حملے ختم کرنے کا اعلان کیا ہے۔
- Advertisement -
سعودی عرب کا کہنا ہے کہ حملے یمن کی حکومت اورصدر منصورہادی کی درخواست پر ختم کئے گئے ہیں، حملوں کے خاتمے کے بعد یمن میں سیاسی سرگرمیوں کا آغاز ہوگا۔
