سلاگر/ کولمبیا: شدید بارشوں کے نتیجے میں مٹی کا تودہ گرنے سے ساٹھ سے زائد افراد ہلاک جب کہ درجنوں افراد لاپتہ ہوگئے ہیں۔
کولمبیا کےشمال مغربی صوبےاینٹيوكيامیں شدیدبارشوں کے باعث لیبوریانا نامی دریا میں آنے والا سیلاب مٹی کا تودہ گرنے کا سبب بن گیا۔
مضافاتی علاقے سلاگرمیں مٹی کا تودہ گرنے سے 64 افراد ہلاک اوردرجنوں افراد لاپتہ ہیں، امدادی کارکن سراغ رساں کتوں کی مدد سے تودے میں دبے لوگوں کی تلاش کا کام جاری رکھے ہوئے ہیں۔
- Advertisement -
امدادی کارکنوں کا کہنا ہے کہ علاقے میں تباہی کو دیکھتے ہوئے ہلاکتوں اورزخمیوں کی تعداد بڑھنے کا خدشہ ہے۔
کولمبیا کے صدر جوان مینئویل نے متاثرہ علاقے کادورہ کیا اورعلاقے میں پبلک ایمرجنسی نافذ کردی ہے۔
