اسلام آباد : بھارت کے جنگی جنون کا جواب دینے کیلئے پاکستان ایئر فورس کے جوانوں نے بھارت کے دوطیارے مارگرائے تھے، پہلا طیارے کو اسکوارڈن لیڈرحسن صدیقی نےنشانہ بنایا جبکہ دوسرے طیارے کو مارگرانے والے جوان کا نام بھی سامنے آگیا۔
اس حوالے سے ذرائع کا کہنا ہے کہ پاکستانی قوم جانتی ہے کہ بھارتی فضائیہ کا ایک جہاز پاک فوج کے جانباز اسکوارڈن لیڈر حسن صدیقی نے گرایا اور دوسرا بھارتی طیارہ ونگ کمانڈر نعمان علی خان نے گرایا تھا، آئی ایس پی آر پاک بھارت تناؤ کی صورتحال کو بغور دیکھ رہی ہے۔
واضح رہے کہ پاکستان نے بھارتی جارحیت کا منہ توڑ جواب دیتے ہوئے27فروری کو بھارت کے دو طیارے مار گرائے تھے، ایک طیارے مگ21کا ملبہ پاکستانی حدود میں گرا جبکہ دوسرا جہاز ایس یو 30 ایم کے آئی بھارتی علاقے میں جاگرا۔
مزید پڑھیں: پاکستانی حدود کی خلاف ورزی پر بھارتی طیارے مارگرائے، ڈی جی آئی ایس پی آر
پاک فوج کے اہل کاروں نے فوری کارروائی کرتے ہوئے گرنے والے جہاز کے پائلٹ ابھی نندن کو مشتعل ہجوم سے بچا کر بحفاظت محفوظ مقام پر منتقل کیا اور ابتدائی طبی امداد فراہم کرنے کے بعد چائے پلا کر اس کی تواضع بھی کی تھی۔
