جھانوی کپور نے اپنی آنے والی فلم مسٹر اینڈ مسز ماہی میں کرکٹر کا کردار ادا کرنے کے لیے کتنی طویل ٹریننگ کی یہ جان کر آپ حیران رہ جائیں گے۔
میڈیا رپوٹس کے مطابق فلم کے تقاضوں کے مطابق کرکٹ میں اپنی صلاحیتوں کو نکھارنے کے لیے جھانوی کپور نے 150 دن سے زائد سخت ترین ٹریننگ کی۔ بالی وڈ اداکارہ کی تازہ ترین انسٹاگرام ریل سے پتہ چلتا ہے کہ انھوں نے مطلوبہ مہارت حاصل کرنے کے لیے انتھک محنت کی۔
زخمی ہونے کے باوجود جھانوی کپور نے پیشہ ور کھلاڑی کی طرح کافی ٹریننگ کی تاکہ وہ فلم میں ایک پرفیکٹ پروفیشنل کی طرح کھیلتی دکھائی دیںَ
واضح رہے کہ کچھ دنوں پہلے بالی وڈ کے معروف اداکار راج کمار راؤ اور اداکارہ جھانوی کپور کی فلم ‘مسٹر اینڈ مسز ماہی’ کا ٹریلر جاری کیا گیا تھا۔
ٹریلر کا آغاز راج کمار راؤ اور جھانوی کپور کی شادی سے قبل ہونے والی ملاقات کے ساتھ ہوا جبکہ بعد میں دونوں کو شادی کے بندھدن میں بندھتے ہوئے دکھایا گیا۔
فلم میں راج کمار راؤ اور جھانوی کپور دونوں کا نام ’ماہی‘ ہے جو کرکٹ میں کافی دلچسپی رکھتے ہیں۔ ٹریلر میں آگے چل کر دکھایا گیا کہ راج کمار راؤ کی کرکٹ سے محبت جھانوی کیلیے ان کی محبت پر غالب آ جاتی ہے۔
خیال رہے کہ کرکٹ سے محبت پر فلمائی گئی مووی ’مسٹر اینڈ مسز ماہی‘ 31 مئی 2024 کو بھارتی سینما گھروں میں نمائش کیلیے پیش کی جائے گی۔
