پاکستان نے فلسطینی طلبہ کو میڈیکل کی نشستیں دینے کا اعلان کیا ہے۔
تفصیلات کے مطابق وزیرصحت عبدالقادر پٹیل سے فلسطین کے معاون وزیر برائے وزارت خارجہ اور سفیر نے ملاقات کی جس میں دوطرفہ باہمی دلچسپی کے امور پر تبادلہ خیال کیا گیا۔
عبدالقادرپٹیل نے کہا کہ دونوں ممالک کے درمیان دہائیوں پرانے مضبوط اور گہرے تعلقات ہیں فلسطین کے طلبا کو 5 سیٹں ایم بی بی ایس اور 5 سیٹیں ڈینٹل کی دیں گے۔
فلسطین کے سفیر نےوزیرصحت اور پاکستان کا خصوصی شکریہ ادا کرتے ہوئے کہا کہ آپ کےاس فیصلےسے ہمارا طب کاشعبہ مزید مضبوط ہو گا۔
وزیر صحت عبدالقادر پٹیل کا کہنا تھا کہ دونوں ممالک آپس میں مضبوط رشتے میں بندھے ہوئے ہیں۔
