کراچی: ہول سیل ڈیلرز کا کہنا ہے کہ جوڑیا بازار میں چینی کی فی کلو قیمت میں 5 روپے کا اضافہ کردیا گیا ہے، جس کے بعد ہول سیل مارکیٹ میں چینی کی فی کلو قیمت ریکارڈ150 روپے پر پہنچ گئی۔
اطلاعات کے مطابق چینی کی ہول سیل قیمت میں 1ماہ میں 30 روپے فی کلو کاریکارڈ اضافہ سامنے آیا ہے، اگر مارچ کی بات کی جائے تو چینی کی فی کلو قیمت 99 روپے فی کلو گرام تھی۔
مارچ سے 16 اگست تک چینی کی قیمت میں 51 روپے فی کلو گرام کا اضافہ ہوا، چینی کی ری ٹیل قیمت ریکارڈ سطح 160 سے 165 روپے فی کلو ہوگئی۔
دوسری جانب انٹر بینک میں ڈالر 3.49 روپے مہنگا ہونے کے بعد 295روپے پرٹریڈ کر رہا ہے، اوپن مارکیٹ میں ڈالر4 روپے مہنگا ہو کر 304 روپے پر فروخت ہو رہا ہے۔
فاریکس ڈیلرز کا کہنا ہے کہ جولائی سے اب تک انٹربینک میں ڈالر 19.55 روپے مہنگا ہو چکا ہے، جولائی سے اوپن مارکیٹ میں ڈالر اب تک 24 روپے مہنگا ہو چکا ہے۔
