کراچی: ملیر میں جانوروں کے ٹیکس وصولی کے ٹھیکوں میں حکومت کو اربوں روپے کے نقصان کا انکشاف ہوا ہے، یہ انکشاف نگراں وزیر بلدیات نے کیا۔
تفصیلات کے مطابق نگراں وزیر بلدیات سندھ محمد مبین جمانی نے کہا ہے کہ ملیر میں جانوروں کے ٹیکس وصولی کے ٹھیکوں میں حکومت کو اربوں کا نقصان پہنچایا گیا ہے۔
انھوں نے کہا موجودہ حکومت نے ٹیکس کا ٹھیکہ شفاف طریقہ کار کے تحت 5 ارب 8 کروڑ روپے میں دیا، پہلے یہ ٹھیکہ ملی بھگت سے 16 سے 21 کروڑ میں دیا جاتا رہا ہے۔
مبین جمانی نے کہا ہم نے اس ٹھیکے کو صاف و شفاف طریقے سے بولی کے تحت دیا، اور ٹھیکہ من پسند افرادکو دینے کے لیے بھی کسی قسم کا دباؤ قبول نہیں کیا۔
انھوں نے کہا کہ مویشیوں کے ٹھیکوں میں کئی سال سندھ کو اربوں روپے کا نقصان پہنچایا گیا، ملی بھگت سے سندھ کو نقصان پہنچانے والوں کا احتساب ہونا چاہیے۔
