سربراہ اقوام متحدہ کا کہنا ہے کہ اسرائیل نےغزہ میں عالمی قوانین کی واضح خلاف ورزیاں کی ہیں، مسلح تصادم کا کوئی بھی فریق عالمی قانون سے بالاتر نہیں۔

سیکریٹری جنرل اقوام متحدہ انتونیو گوتریس نے غزہ میں فوری جنگ بندی کا مطالبہ کیا ہے، انھوں نے کا کہ مسلح تصادم کا کوئی بھی فریق عالمی قانون سے بالاترنہیں۔ فلسطینیوں نے اپنی سرزمین کو اسرائیلی قبضے میں جاتے دیکھا ہے۔

سیکریٹری جنرل اقوام متحدہ نے غزہ میں زیادہ انسانی امداد کی اجازت دینے پر بھی زور دیا، انھوں نے کہا کہ غزہ میں ایندھن چند دنوں میں ختم ہو جائے گا۔

انتونیو گوتریس نے کہا کہ امداد کی ترسیل کو آسان اور محفوظ بنانے کیلئے اقدامات کیے جائیں۔ فلسطینی عوام 56 سال سے گھٹن کا شکار ہیں۔ فلسطینیوں نے اپنی سرزمین کو اسرائیلی قبضے میں جاتے دیکھا ہے۔

سیکریٹری جنرل یو این نے کہا کہ فلسطینیوں نے اپنے رشتے داروں کو تشدد کا شکار ہوتے دیکھا ہے۔ فلسطین کی معیشت کو تباہ کیا گیا، معصوم لوگوں کو بےگھر کیا گیا۔

انھوں نے کہا کہ فلسطینیوں نے غزہ میں اپنے گھروں کو منہدم ہوتے دیکھا ہے۔ فلسطینیوں کو حماس کے حملے کی اجتماعی سزا دینے کا کوئی جواز نہیں بنتا۔