لاہور میں ستوکتلہ کے علاقے میں نامعلوم کار سواروں نے نوجوان کو دن دہاڑے اغوا کر لیا۔
پولیس کے مطابق ملزمان اور مغوی کے درمیان لین دین کے تنازع پر جھگڑا چل رہا ہے، مغوی کو جلد بازیاب کروا لیا جائے گا۔
واقعے کی سی سی ٹی وی فوٹیج سامنے آگئی جس میں دیکھا جا سکتا ہے کہ نوجوان کی موٹر سائیکل کو ایک شخص اپنی بائیک سے ٹکر مارتا ہے اور پھر اس سے الجھ پڑتا ہے۔
- Advertisement -
فوٹیج کے مطابق کچھ لوگ نوجوان کو زبردستی کھینچنے کی کوشش کرتے ہیں جبکہ وہ مزاحمت کرتے ہوئے بھاگنے کی کوشش کرتا ہے تو اسے زبردستی پکڑ کر کار میں بٹھا دیا جاتا ہے۔
