گوجرانوالہ کی استانی نے دنیا میں پاکستان کا نام بلند کردیا، استانی سسٹر زیف نے پیرس میں گلوبل ٹیچر ایوارڈ جیت لیا.
تفصیلات کے مطابق پاکستانی ٹیچر نے ایک سو تیس ملکوں کے ٹیچرز سے مقابلے میں پہلا انعام حاصل کیا، آبائی شہر واپسی پر سسٹر زیف کا پرتپاک استقبال کیا گیا۔
بچوں کو زیورِ تعلیم سے آراستہ کرنے اور خواتین کو ہنر مند بنانے کے لیے پیرس میں یونیسکو کے ہیڈ کوارٹر میں ہونے والی تقریب میں گوجرانوالہ کی ٹیچر سسٹر زیف کو گلوبل ٹیچر پرائز سے نوازا گیا۔
- Advertisement -
گلوبل ایواڈ یافتہ سسٹر زیف کا کہنا تھا کہ 130 ممالک کے سات ہزار اساتذہ میں سے ان کا نام منتخب کرنا ان کے لیے باعث فخر ہے۔
گلوبل ٹیچر پرائز جیت کر پاکستان کا نام روشن کرنے والی سسٹر زیف 200 سے زیادہ غریب بچوں کو مفت تعلیم فراہم کرنے کے ساتھ ساتھ 6000 خواتین کو ہنر مند بھی بنا چکی ہیں۔
