آپ نے دنیا میں چوری کی کئی منفرد وارداتیں سنی اور پڑھی ہوں گی لیکن چوروں کے ایک گروہ نے تو کمال کی ہوشیاری کرتے ہوئے گھروں کا صفایا کرنا شروع کر دیا۔
وہ مشہور مقولہ تو سب نے سن رکھا ہوگا کہ چور چوری سے جائے مگر ہیرا پھیری سے نہ جائے، لیکن یہاں تو چوروں نے چوری بھی کی اور ہیرا پھیری بھی وہ اس طرح کے ایک فلیٹ کا صفایا مرد چوروں نے خواتین کا لباس پہن کر کیا۔
چوری کا یہ انوکھا واقعہ بھارتی شہر حیدرآباد دکن کے ایس آر نگر کی زیڈ کالونی کی بلڈنگ میں ہوئی اور یہ راز اس وقت کھلا جب پولیس نے مذکورہ عمارت کی سی سی ٹی وی فوٹیج دیکھی۔
بھارتی میڈیا کے مطابق فلیٹ کے مالک وینکٹیشور راؤ نے پولیس کو شکایت کی کہ ان کی بیٹی اور داماد کے فلیٹ سے چور تالا توڑ کر چار تولے کے طلائی زیورات، تین لاکھ روپے نقدی اور ایک لیپ ٹاپ چوری کر کے لے گئے۔
پولیس نے رپورٹ درج کرنے کے بعد جب مذکورہ اپارٹمنٹ کے سی سی ٹی وی کیمروں کی فوٹیج دیکھیں تو وہ بھی حیران رہ گئے کہ چوروں نے خواتین کا لباس پہن کر یہ چوری کی تھی اور ملزمان نے نہ صرف خواتی کے کپڑے پہنے تھے بلکہ اپنے چہرے پر اسکارف بھی باندھا ہوا تھا۔
سی ٹی وی فوٹیج کی مدد سے پولیس نے بہروپیے چوروں کی تلاش شروع کر دی ہے۔