وفاقی حکومت کی جانب سے گلگت بلتستان کے آئی جی پولیس کو تبدیل کردیا گیا ہے۔
اے آر وائی نیوز کے مطابق افضل محمود بٹ آئی جی گلگت بلتستان تعینات کردیے گئے ہیں جس کا نوٹیفکیشن بھی جاری کردیا گیا ہے۔
20 گریڈ کے پی ایس پی افسر افضل محمود بٹ پنجاب میں تعینات تھے۔
- Advertisement -
دار علی خان کو جی بی کے انسپکٹر جنرل کے عہدے سے ہٹا کر ان کی جگہ افضل محمود بٹ کو تعینات کیا گیا ہے۔
اسٹیبلشمنٹ ڈویژن کی جانب سے جاری کردہ ایک نوٹیفکیشن میں کہا گیا ہے کہ بی ایس 20 کے افسر دار علی خان خٹک کا تبادلہ کر دیا گیا ہے اور انہیں فوری طور پر اور اگلے احکامات تک اسٹیبلشمنٹ ڈویژن میں رپورٹ کرنے کی ہدایت کی گئی ہے۔
