اسلام آباد: انتہا پسند ہندو جماعت بھارتیہ جنتا پارٹی (بی جےپی) کے مرکزی رہنما اور وزیر داخلہ امیت شاہ کی جانب سے کرتاپور راہداری منصوبے کا کریڈٹ لینے کی بھونڈی کوشش پرسینیٹر فیصل جاوید نے کرارا جواب دیا ہے۔
تفصیلات کے مطابق اقلیتوں کے حقوق سلب کرنے والی تنگ نظر جماعت کے رہنما امیت شاہ نے سماجی رابطے کی ویب سائٹ ٹوئٹر پر ایک پیغام کے ذریعے کرتاپور راہداری منصوبے کا کریڈٹ لینے کی کوشش کی جس پر سینیٹر فیصل جاوید نے فوری ردعمل دیتے ہوئے امیت شاہ کو مودی سرکار کا حقیقی چہرہ دکھا دیا۔
Futile effort to hijack undue credit for an exclusive Pakistani initiative. Sikh pilgrims currently based in India facing difficulties to get new passports / facing threats of visas denial for other countries if passport used for Kartarpur. That’s why 1 year passport waiver by PM pic.twitter.com/gFExjAflKZ
— Faisal Javed Khan (@FaisalJavedKhan) November 7, 2019
امیت شاہ نےکرتاپور راہداری کو اپنی حکومت کی تاریخی کامیابی قراردیا، جس پر سینیٹر فیصل جاوید نے لکھا کہ کرتارپورراہداری خالصتاًپاکستانی اقدام ہے۔
فیصل جاوید نے لکھا کہ امیت شاہ نےپاکستانی کاوش کوہائی جیک کرنےکی کوشش کی، امیت شاہ سرکارسکھوں کوپاسپورٹ کی فراہمی سےگریزاں ہے۔
سینیٹر فیصل جاوید نے لکھا کہ سکھ یاتریوں کوپاسپورٹ کےحصول میں مشکلات کاسامناہے اور مودی سرکاری کی جانب سےسکھ یاتریوں کودھمکایاجارہاہے۔
وزیراعظم عمران خان نے کرتارپور راہدری کھولنے کا فیصلہ کرکے بھارت سمیت دنیا بھرمیں مقیم سکھوں کے دل جیت لئے ہیں ، سکھ برادری کرتارپورراہداری کھلنے پر خوش اور عمران خان کی شکرگزار ہے، کرتارپور راہداری کا افتتاح 9 نومبر کو ہوگا۔
یہ بھی پڑھیں:کرتار پورراہداری ، بھارتی سکھوں نے اپنے گھروں پر پاکستانی پرچم لہرا دیئے
بھارتی پنجاب کے شہر جالندھر کے ایک محلے میں سکھوں نے اپنے گھروں پر پاکستانی پرچم لہرا دئیے، جس کے بعد پاکستانی پرچم لہرانے کی ویڈیو سوشل میڈیا پروائرل ہوگئی جبکہ مودی سرکارعمران خان کی مقبولیت سے خائف ہیں۔
اس سے قبل امرتسرمیں بھی عمران خان کے اقدام کی بھرپور پذیرائی ہوئی تھی اور شہرمیں شکریہ عمران خان کے بل بورڈز آویزاں کردیئے گئے تھے ، بعد ازاں عمران خان کی مقبولیت سے بوکھلائی مودی سرکارنے بل بورڈز ہٹوادئیے تھے۔
