سرینگر: کشمیری حریت رہنما یاسین ملک کی اہلیہ مشعال ملک نے بھارتی وزیر اعظم نریندر مودی کے نام خط لکھتے ہوئے انہیں وارننگ دی ہے کہ اگر جیل میں یاسین ملک کو کچھ ہوا تو اس کی ذمے دار بھارتی حکومت ہوگی۔
تفصیلات کے مطابق کشمیری حریت رہنما یاسین ملک کی اہلیہ مشعال ملک نے بھارتی وزیر اعظم نریندر مودی کے نام خط تحریر کیا ہے۔
خط میں مشعال ملک نے لکھا ہے کہ میرے شوہر یاسین ملک اس وقت بھارتی جیل میں ہیں، یاسین ملک کے خلاف ٹرائل ناانصافی اور جمہوری نظام کے برعکس ہے۔
My video msg on 8th day of hunger strike unto death of my husband Yasin Malik who is in ICU. I’ve written a letter 2 @narendramodi @PMOIndia warning if anything happens 2 my Husband the Indian state will be responsible!#YasinWifeWritesLetter2Modi #JusticeForYasinMalik pic.twitter.com/RCaFSWenRS
— Mushaal Hussein Mullick (@MushaalMullick) July 30, 2022
انہوں نے لکھا کہ مسلسل قید، تشدد اور ٹارچر کے باعث یاسین ملک کو کئی بیماریاں لاحق ہوچکی ہیں۔
مشعال ملک کا کہنا تھا کہ یاسین ملک نے متعدد بار عدالت میں پیش ہونے کی درخواست کی، بھارتی حکام نے یاسین ملک کی غیر موجودگی میں جرح کی، بظاہر لگتا ہے کہ یاسین ملک کے خلاف یکطرفہ ٹرائل کیا جارہا ہے۔
انہوں نے مودی کو وارننگ دی ہے کہ اگر جیل میں یاسین ملک کو کچھ ہوا تو اس کی ذمے دار بھارتی حکومت ہوگی۔
خیال رہے کہ رواں برس مئی میں بھارتی عدالت نے حریت رہنما یاسین ملک کو دہشت گردوں کی فنڈنگ کے جھوٹے الزام میں 2 بار عمر قید اور 10 لاکھ جرمانے کی سزا سنائی تھی۔
یاسین ملک نئی دہلی کی بدنام زمانہ تہاڑ جیل میں گزشتہ کئی برسوں سے قید ہیں، سزا سنائے جانے کے بعد یاسین ملک نے جیل میں بھوک ہڑتال کردی ہے۔
