قومی ٹیم کے فاسٹ بولر حسن علی کی اہلیہ سامعہ خان نے اپنے آبائی وطن بھارت سے سیر و تفریح کرتے ہوئے خوبصورت تصاویر سوشل میڈیا پر وائرل کردی ہیں۔
قومی فاسٹ بولر حسن علی کی شادی کے 4 سال بعد یہ پہلا موقع ہے جب سامعہ خان اپنے وطن بھارت واپس آئی ہیں، جس کی تصاویر و ویڈیوز انہوں نے سوشل میڈیا پر جاری کی ہیں۔
سامعہ خان کو سوشل میڈیا پر شیئر کی گئی تصاویر میں قومی ٹیم کے ساتھ مختلف بھارتی شہروں کا دورہ کرتے دیکھا جا سکتا ہے۔
انہوں نے پہلے حیدرآباد اور احمد آباد میں سیر و تفریح کی، اس کے بعد گُڑگاؤں اور کلکتہ کی، اب وہ بنگلورو میں موجود ہیں۔
پاکستان کرکٹ ٹیم کے میچز کے دوران انہیں قومی ٹیم اور حسن علی کا حوصلہ بڑھاتے ہوئے دیکھا گیا۔
اس کے علاوہ سامعہ خان بنگلا دیش کے خلاف ہونے والے حالیہ میچ کے موقع پر اپنی 2 برس کی بیٹی حلینہ حسن علی کے ہمراہ میچنگ کرتے ہوئے سرخ جوڑے میں بھی دکھائی دیں۔
