سرگودھا: مجاہد کالونی میں قرآن پاک کی مبینہ بے حرمتی کے واقعے کے بعد 7 دن کیلئے دفعہ 144 نافذ کردیا گیا۔
تفصیلات کے مطابق گزشتہ روز سرگودھا کے مجاہد کالونی میں قرآن پاک کی مبینہ بے حرمتی کے واقعے میں مشتعل ہجوم نے ہنگامہ کیا جس کے بعد پولیس نے مبینہ بے حرمتی کرنے والے شخص کو پہلے ہی گرفتار کرلیا۔
تاہم اس واقعے کے بعد سرگودھا میں 7 دن کے لیے دفعہ 144 نافذ کردی گئی، اس کے علاوہ توہین مذہب کی ایف آئی آر درج کرلی گئی، پولیس نے جلاؤ گھیراؤ کرنے پر 45 نامزد اور 450 نامعلوم افرادکے خلاف بھی مقدمہ درج کرلیا۔
- Advertisement -
پولیس حکام کا بتانا ہے کہ ضلع بھر میں سکیورٹی ہائی الرٹ اور پولیس کی اضافی نفری تعینات ہے، گرجا گھروں کے باہر پولیس اہلکار تعینات ہیں جبکہ متاثرہ مجاہد کالونی میں بھی پولیس بدستور تعینات ہے۔
