امور حرمین کے سربراہ ڈاکٹر شیخ عبدالرحمان السدیس نے اعلان کیا ہے کہ مسجدالحرام کو رمضان المبارک میں مکمل طو رپر کھول دیا گیا ہے۔
حرمین انتظامیہ کی جانب سے رمضان المبارک کےآخری عشرے کیلئے جامع حکمت عملی مرتب کی گئی ہے۔ مسجدالحرام کی چھت بھی عمرہ زائرین اور نمازیوں کیلئےکھول دی گئی ہے۔
رمضان کےدوران عمرہ زائرین کو سہولیات فراہمی کیلئے انتظامات مکمل ہیں۔ حرمین شریفین انتظامیہ نے مسجدالحرام کے صحنوں اور ایکسٹینشنز کو کھولا گیا ہے۔
عمرہ زائرین کی رہنمائی کیلئے اہلکاروں کی تعیناتی بھی یقینی بنائی جارہی ہے سہولیات فراہمی پلان سکیورٹی فورسز،دیگراداروں کی مشاورت سےترتیب دیا گیا۔
مسجدالحرام میں کراؤڈکنٹرول کرنےکیلئے مختلف راستوں کا تعین کیا گیا ہے مسجدالحرام کی تیسری سعودی ایکسٹینشن کے تمام فلورز کو بھی کھول دیا گیا ہے۔
نمازیوں کیلئے سعودی ایکسٹینشن کے بیرونی صحنوں میں بھی مقامات مختص ہے۔
