واشنگٹن: امریکا میں صدارتی الیکشن کے لئے سابق امریکی صدر ڈونلڈ ٹرمپ نے ارلی ووٹنگ کی مخالفت کردی، جس سے ریپبلکن پارٹی کی پریشانی میں اضافہ ہوگیا۔
غیر ملکی ذرائع ابلاغ کے مطابق سابق امریکی صدر ڈونلڈ ٹرمپ نے ریپبلکن رہنماؤں کے اصرار کے باوجود قبل ازوقت ووٹنگ پر کڑی تنقید کی۔
سابق امریکی صدر ڈونلڈ ٹرمپ کا جلسے خطاب میں کہنا تھا کہ ووٹنگ صرف الیکشن کے دن تک محدود ہونی چاہئے، ارلی ووٹنگ دھاندلی اور ڈاک کے ذریعے ووٹ فراڈ ہے۔
ریپبلکن پارٹی کا کہنا ہے کہ ووٹر الیکشن ڈے کا انتظار کرنے کے بجائے ارلی ووٹنگ میں حصہ لیں۔
امریکی میڈیا کے مطابق مڈٹرم انتخابات میں آدھے ووٹ الیکشن ڈے سے پہلے کاسٹ ہوئے تھے، کورونا میں سب سے زیادہ ووٹ ارلی ووٹنگ میں کاسٹ کیے گئے تھے۔
واضح رہے کہ امریکی صدارتی انتخابات سے قبل کئے گئے سروے میں سابق امریکی صدر ڈونلڈ ٹرمپ موجودہ صدر بائیڈن سے سبقت لے چکے ہیں۔
سابق امریکی صدر ڈونلڈ ٹرمپ نے7 سوئنگ اسٹیٹس میں بھی صدربائیڈن پر سبقت حاصل کرلی ہے۔
گرفتاری کا خدشہ، ٹرمپ نے جج پر سنگین الزام عائد کردیا
امریکی میڈیا کا اس حوالے سے کہنا ہے امریکی صدر بائیڈن کی مقبولیت سوئنگ اسٹیٹس میں 4 سے5 فیصد کم ہوئی، سوئنگ اسٹیٹس کا الیکشن کے نتائج کے تعین میں اہم کردار ہے۔
