بھارت کی ریاست آندھرا پردیش میں خاتون کی جانب سے پولیس اسٹیشن کو تالا لگانے کی تصویر نے سوشل میڈیا صارفین کو حیران کر دیا۔
میڈیا رپورٹس کے مطابق ضلع وشاکھا پٹنم کی رہائشی گوتمی نے حال ہی میں ایک امارٹمنٹ میں 15 لاکھ روپے فلیٹ خریدا۔ خاتون نے اس کیلیے 5 لاکھ روپے ایڈوانس اور کچھ اقساط بھی ادا کیں۔
تاہم مالک مکان نے یہ دعویٰ کرتے ہوئے کہ گوتمی نے اسے کوئی رقم نہیں دی، گھر سے سامنا اٹھا کر بیچ سڑک پر پھینک دیا۔ خاتون نے معاملے میں انصاف کیلیے پندورتی پولیس اسٹیشن سے رجوع کیا اور مالک مکان کے خلاف شکایت درج کروائی۔
کئی دن گزرنے اور گوتمی کے بار بار چکر لگانے کے باوجود جب معاملے میں پولیس کی جانب سے کوئی دلچسپی ظاہر نہیں کی گئی تو خاتون گھر سے تالا لے کر تھانے کے مرکزی دروازے پر لگا دیا۔
خاتون کی جانب سے تالا لگانے کی تصویر سوشل میڈیا کے مختلف پلیٹ فارمز پر گردش کر رہی ہے۔
