پنجاب: مختلف شہروں میں پیٹرول کی قلت کی ذمہ داری پی ایس او نے عوام پر ڈال دی جبکہ وزارت پیٹرولیم کے مطابق سپلائی روکنے کے کوئی احکامات جاری نہیں کئے گئے۔
اسلام آباد اور لاہور سمیت کے مختلف حصوں میں پیٹرول ناپید ہوگیا ہے، جس کے باعث شہریوں کو شدید مشکلات کا سامنا ہے، معاملے کے جانچ پڑتال کیلئے جب ترجمان پی ایس او سے رابطہ کیا گیا تو ترجمان کا کہنا تھا کہ ملک کے تمام ڈیپوز میں پیٹرول وافر مقدار میں موجود ہے لیکن جگہ جگہ کنٹینر ز لگائے جانے سے پیٹرول کی ترسیل میں مشکل ہورہی ہے۔
پی ایس او کے مطابق لوگوں نے موجودہ صورت حال کے پیش نظر پیٹرول اسٹاک کر لیا ہے، جسکے باعث طلب میں اضافہ پچاس فیصد اضافہ ہوگیا ہے ۔
وزارت پیٹرولیم اور قدرتی وسائل نے اپنے اعلامیہ میں کہا ہے کہ اس نے پیٹرول سپلائی روکنے کے حوالے سے کوئی احکامات جاری نہیں کیے۔
