site
stats
اہم ترین

اسٹیٹ بینک آئندہ 2ماہ کیلئے مانٹری پالیسی کا اعلان آج کرے گا

کراچی: اسٹیٹ بینک آئندہ دو ماہ کیلئے مانٹری پالیسی کا اعلان آج کرے گا، سیاسی بحران اور سیلاب کی تباہی سے معیشت پر پڑنے والے اثرات کے سبب مانیٹری پالیسی میں کوئی تبدیلی متوقع نہیں۔

معاشی تجزیہ کاروں کے مطابق سیاسی بحران اور سیلاب کی تباہی سے معیشت پر پڑنے والے اثرات کے سبب مانیٹری پالیسی میں کوئی تبدیلی متوقع نہیں اور شرح سود دس فیصد کی سطح پر برقرار رکھے جانے کا امکان ہے۔

ماہرین کے مطابق ملک میں جاری سیاسی ہلچل نے سیاسی بحران کی شکل اختیار کرلی ہے، سیلاب کی تباہ کاریاں ، آئی ایم ایف سے قرض کی قسط التوا کا شکار ہونا اور روپے کی قدر میں کمی ایسے عوامل ہیں، جس کے باعث شرح سود میں کمی کے امکانات کافی کم ہیں۔

جولائی سے اب تک ڈالر کے مقابلے میں روپے کی قدر میں چار فیصد تک کمی واقع ہوچکی ہے۔

دوسری جانب کاروباری طبقے کی جانب سے شرح سود میں کمی کا مطالبہ کیا گیا ہے، ایف پی سی سی آئی کے صدر ذکریہ عثمان کے مطابق مرکزی بینک شرح سود میں کمی کرکے معاشی استحکام میں اپنا کردار ادا کرسکتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top