The news is by your side.

Advertisement

الطاف حسین کے خلاف ملک کے مختلف شہروں میں مقدمات درج

اسلام آباد / کراچی /لاہور / کوئٹہ : متحدہ قومی موومنٹ کے قائد الطاف حسین کے خلاف ملک کے مختلف شہروں میں مقدمات درج کرانے کا سلسلہ جاری ہے۔

لاہور تھانہ ستوکلتہ اور تھانہ پرانی انار کلی میں ایم کیو ایم کے سربراہ الطاف حسین کے خلاف دو الگ الگ ایف آئی آر درج ہو گئی، پنجاب بھر کے متعدد تھانوں میں ایم کیو ایم کے سربراہ الطاف حسین کے خلاف دن بھر درخواستیں جمع کروائی گئی ، بلآخر اب سے کچھ دیر قبل لاہور کے تھانہ ستوکتلہ اور پرانی انار کلی میں شہریوں کی مدعیت میں ایف آئی آر درج کروا دی گئی۔

مقدمات ایم کیوایم کے سربراہ الطاف حسین کی پاک فوج اور سیکورٹی داروں کے خلاف اشتعال انگیز تقاریر کی بنا پر درج کروا گیا ہے، متحدہ قومی موومنٹ کے قائد الطاف حسین کے خلاف مقدمہ درج کرانے کے لیے لاہور ہائی کورٹ میں درخواست جمع کرادی گئی۔

درخواست سول سوسائٹی کے عبداللہ ملک کی جانب سے داخل کرائی ۔ درخواست گذار نے درخواست میں موقف اختیار کیا کہ مسلح افواج اور سیکورٹی کے دیگر اداروں کے خلاف بیان بازی آئین کے آرٹیکل ایک سوننانوے کے تحت ملکی سالمیت کے خلاف سازش ہے درخواست گذار نے موقف اختیار کیا کہ ملکی سلامتی کے اداروں کے خلاف پراپیگنڈا کرنا غداری کے زمرے میں آتا ہے اس لیے عدالت ایم کیو ایم کے سربراہ کے خلاف غداری کا مقدمی درج کرنے کا حکم دے۔

علاوہ ازیں اسلام آباد کے تھانہ مارگلہ، بارہ کہو اور گولڑہ میں چار مقدمات درج کئے گئے ہیں۔ حیدر آباد کے تھانہ فورٹ میں مقدمہ وحید نامی شہری کی مدعیت میں درج کیا گیا۔ مٹیاری پولیس نے عثمان جوکھیو کی درخواست پر ایف آئی آر درج کی۔

جیکب آباد کے تینوں تھانوں میں بھی مختلف مقدمات درج کئے جا چکے ہیں۔ تینوں مقدمات دفعہ 153 کے تحت درج کئے گئے ہیں۔

خیرپور میرس کے تھانہ تھری میرواہ اور فیض گنج میں بھی دو مقدمات درج کر لئے گئے ہیں۔ دادو کے تھانہ اے سیکشن میں دو مقدمات درج ہوئے۔

شکار پور کے مختلف تھانوں میں بھی الطاف حسین کے خلاف تین مقدمات درج ہوئے ہیں۔ لاڑکانہ، میر پور خاص اور سکھر میں دو، دو ایف آئی آرز درج کی گئی ہیں۔ بدین میں تین جبکہ ٹھٹھہ، گھوٹکی اور ٹنڈو الہ یار میں ایک ایک مقدمہ قائم کیا گیا ہے۔ کنری اور مٹھی کے تھانوں میں بھی الطاف حسین کی تقریر پر ایف آئی آر درج کر لی گئی ہیں۔

بلوچستان کے دارالحکومت کوئٹہ کے تھانہ سٹی اور تھانہ گوالمنڈی میں بھی مقدمات درج کر لئے گئے ہیں۔ ہرنائی پولیس اسٹیشن میں بھی ایف آئی آر درج کی گئی۔ چمن میں مقامی شہری کی درخواست پر بھی ایف آئی آر درج ہو گئی ہے۔

Print Friendly, PDF & Email

Comments

comments

یہ بھی پڑھیں