لاہور: منہاج القرآن کے سربراہ ڈاکٹر طاہر القادری نے کہا ہے کہ 2013 کے الیکشن غیر آئینی تھےعوام غیر قانونی حکمرانوں کی چھٹی چاہتے ہیں۔
ایک بیان میں ڈاکٹر طاہر القادری نے کہا کہ عوامی تحریک واحد جماعت ہے جس نے آزاد الیکشن کمیشن اور انتخابی اصلاحات کیلئے لانگ مارچ کیا۔
ان کا کہنا تھا عام انتخابات غیر آئینی تھے اور موجودہ حکومت غیر قانونی ہے ، عوام ان حکمرانوں کی چھٹی چاہتے ہیں۔
- Advertisement -
ڈاکٹر طاہرالقادری نے کہا کہ کنٹینر پالیٹکس نہ کرنے کے دعویداروں نے پورا پنجاب کنٹینرز سے سیل اور لوگوں کو گھروں میں قید کیا۔
ان کا کہنا تھا کہ آزاد الیکشن کمیشن کیلئے ہماری جدوجہد کے خلاف تمام قوتیں ایک نہ ہوتیں تو قوم کو یہ دن نہ دیکھنا پڑتے۔
