پشاور : پشاور ائرپورٹ پر دہشت گرد حملے کے تقریبا ایک ماہ بعد بین الاقوامی ائیرلائن نے اپنی پروایزیں بحال کردیں، آج امارات ائیرلائن کی پہلی پرواز دبئی سے باچاخان ائیرپورٹ اتر گئی۔
چھبیس جون کو پشاور ائیر پورٹ پر قومی ائیرلائن کے جہاز پر حملے کے بعد غیرملکی ایئرلائنز کی جانب سے باچا خان ایئرپورٹ پر فلائٹ آپریشن معطل کردیا گیا تھا، جس کے بعد آج پشاور میں بین الاقوامی پروازوں کی آمدورفت بحال ہوگئی ہے۔
امارات ایئرلائن کی پہلی پرواز مسافروں کو لیکر دبئی سے پشاور پہنچ گئی، پرواز آج صبح پاکستانی وقت کے مطابق چھ بج کر پینتالس منٹ پر لینڈ ہوئی، دبئی سے آنے والی امارات ایئرلائن کا طیارہ چند گھنٹوں بعد نئے مسافروں اور کارگو کو لے کر پشاور سے دبئی روانہ ہوگیا۔
