واشنگٹن: امریکہ اور اس کے اتحادیوں نے دولت اسلامیہ عراق اور شام کے مختلف ٹھکانوں پر24 گھنٹے میں 19 فضائی حملے کرڈالے۔
امریکی افواج کی جانب سے کاری کردہ اعلامیے کے مطابق شام میں دولتِ اسلامیہ کی برتری ختم کرنے کے لئے تین حملے کئے گئے جن میں زمینی تنصیبات کو نشانہ بنایا گیا۔
دوسری جانب 16 فضائی حملے عراقی شہروں میں کیے گئے جن میں موصل، رمادی، بیجی،سنجر، تل افار اور فلوجہ شامل ہیں۔ حملوں میں داعش کے مختلف یونٹس، عمارتوں اوراہم جنگی پوزیشنزکو نشانہ بنایا گیا۔
امریکی افواج کے مطابق یہ حملے جمعے اور ہفتے کو کیے گئے۔
شام میں تعینات مبصر کے مطابق اتحادیوں کی جانب سے شام کے صوبے الیپو میں کیے گئے حملے میں 52 شہری مارے گئے۔
امریکی افواج کے مطابق شہریوں کی ہلاکت کی تاحال تصدیق نہیں ہوسکی ہے اور فی الحال اس کی حیثیت الزام سے زیادہ نہیں ہے۔
