site
stats
عالمی خبریں

امریکہ نے عمران خان کے الزامات کی تردید کردی

واشنگٹن: امریکہ کی وزارتِ خارجہ نے عمران خان کی جانب سے عائد کئے گئے الزامات کی تردید کردی ہے۔ ترجمان امریکی وزارت ِ خارجہ کے مطابق پاکستان میں کسی بھی قسم کے ماورائے آئین اقدام کی حمایت نہیں کرتے۔

امریکی وزارتِ خارجہ نے تحریکِ انصاف کے سربراہ عمران خان کی جانب سے لگائے گئے الزامات کی تردید کردی ہے۔ امریکی محکمہ خارجہ کی ترجمان میری ہارف کے مطابق امریکا پاکستان کے اندرونی سیاسی حالات میں ملوث نہیں ہے اور نہ ہی امریکہ کسی بھی طرح فریقین کے درمیان ہونے والی بات چیت میں شامل ہے۔

محکمہ خارجہ کی ترجمان کے مطابق امریکہ پاکستان کی سیاسی قوتوں کے درمیان پر امن مذاکرات کا چاہتا ہے اور پاکستانی حکومت کو غیرآئینی طریقوں سے تبدیل کرنے کا حامی نہیں ہے۔

ترجمان کا مزید کہنا تھا کہ امریکہ حالیہ سیاسی محاذ آرائی کا پر امن حل چاہتا ہے اور پاکستان میں کسی بھی قسم کے ماورائے آئین اقدام کی حمایت نہیں کرتا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top