کراچی: وزیراعلی سندھ قائم علی شاہ نےوفاق اور سندھ میں تناؤکی خبروں کی تردیدکرتے ہوئے رینجرز کیلئے تعریفی کلمات کی بھرمار کر دی۔
ٹارگٹ کلنگ، بھتہ خوری، اغوا کی وارداتوں کے خلاف رینجرزکی خدمات ناقابل فراموش ہیں،وزیراعلی سندھ قائم علی شاہ نےرینجرز آپریشن کی کامیابیوں کا برملا اعتراف کرلیا۔
سندھ کے وزیراعلیٰ کہتے ہیں حکومت سندھ کی وفاق،رینجرزاورفوج سے بہت اچھی ورکنگ ریلیشن شپ ہے،سندھ اوروفاق کے درمیان تناؤٴکی خبریں بے بنیادہیں۔
- Advertisement -
قائم علی شاہ نے کہاپاک فوج نے جنرل راحیل شریف کی قیادت میں دہشتگردی کیخلاف عظیم کامیابیاں حاصل کیں، وزیراعلیٰ سندھ کا بیان ایسے وقت سامنے آیا ہے جب رینجرز کے اختیارات میں توسیع کا معاملہ سیاسی کشمکش کی تنی رسی بنا ہوا ہے۔ اب وزیراعلیٰ کے بیان میں فوج اور رینجرز دونوں کی دل کھول کر تعریف کی گئی ہے۔
