اسلام آباد: حکومت نے دھرنوں کے خلاف کارروائی کی تیاری کرلی، پولیس کے تازہ دم دستے دھرنوں کے اطراف میں پہنچ گئے۔
پولیس کے تازہ دم دستے اسلام آباد میں دھرنوں کے اطراف میں پہنچ گئے، پولیس دستے ریڈیو پاکستان ،سیکرٹریٹ اور کیبنٹ ڈویژن گیٹ پر تعینات کردیئے گئے ہیں اور تمام افسران کو کنٹرول روم میں رہنے کی ہدایت کی گئی ہے، کسی بھی لمحے دھرنے کے شرکاء پر کریک ڈاؤن ہوسکتا ہے۔
شاہراہ دستور کو خالی کرنے کے سپریم کورٹ کے اس حکم کے بعد وزیرداخلہ متحرک ہوگئے اور کی اعلیٰ سطح کے اجلاس کی صدارت کی اور ریڈزون کا دورہ کرکے پولیس سے بریفنگ لی، چوہدری نثار نے انتظامیہ اور قانون نافذ کرنے والے اداروں کو ہدایت کی کہ عدالتی احکامات پر عملدرآمد یقینی بنایا جائے اور کسی بھی ہنگامی صورتحال سے نمٹنے کے لیے تیار رہا جائے۔
انھوں نے ریاست کی حقیقی عملداری پولیس کے ذریعے نافذ ہوتی ہے کہہ کر پولیس ایکشن کا اشارہ بھی دیا، دھرنوں کے شرکاء کے ریڈزون سے متوقع انخلا اور کسی دوسرے محفوظ مقام پر منتقل کرنے کے معاملے پر بھی بات چیت ہوئی۔
