اسلام آباد: آپریشن ضربِ عضب کو ایک سال مکمل ہوگیا، اس دوران دو ہزارسات سو تریسٹھ دہشت گرد ہلاک ہوئے جبکہ دہشت گردوں کے آٹھ سوسینتیس ٹھکانے بھی تباہ کردیئے گئے ہیں۔
وطن عزیز سے دہشتگردوں کے خاتمے کیلئے شروع کیے گئے آپریشن ضرب عضب کا ایک سال مکمل ہوگیا، ارض پاک کو دہشت گردوں سے پاک کرنے کے لئے پاک فوج نے ایک سال پہلے شمالی وزیرستان میں آپریشن شروع کیا، جس کا نام ضربِ عضب رکھا گیا۔ آہستہ آہستہ اس آپریشن کا دائرہ کار پورے فاٹا میں پھیلا دیا گیا۔
پاک فوج نے دہشت گردوں کے خلاف کم وقت میں مؤثر ترین کارروائیاں کیں ،جن کی مثال دنیا کی تاریخ میں نہیں ملتی، اس دوران دہشت گردوں کے سیکڑوں ٹھکانوں کو نشانہ بنایا گیا۔
آپریشن ضربِ عضب کے دوران فاٹا کے مختلف علاقوں میں دو ہزار سات سو تریسٹھ دہشت گردوں کو ہلاک کیا گیا، جن میں دو سو اٹھارہ انتہائی مطلوب دہشت گرد بھی شامل ہیں، ہزاروں دہشت گرد زخمی ہوئے جبکہ ان کے آٹھ سو سینتیس ٹھکانوں کو تباہ کر دیا گیا۔ ہزاروں دہشت گردوں اور ان کے سہولت کاروں کو بھی گرفتار کیا گیا، اٹھارہ ہزارسے زائد خطرناک ہتھیار اور دو سو ترپن ٹن بارودی مواد بھی برآمد کیا گیا۔
آپریشن ضرب عضب کے دوران دہشت گردوں کا مواصلاتی ڈھانچہ بھی تباہ کیا گیا۔
ضرب عضب آپریشن کے دوران پاک فوج کے تین سو سینتالیس افسروں اور جوانوں نے جام شہادت نوش کیا، ضرب عضب میں ملنے والی کامیابیوں کی وجہ سے پاکستان پہلے سے زیادہ محفوظ ہوا ہے، پاک فوج نے دہشت گردوں کی کمر توڑ دی ہے۔
آپریشن ضرب عضب کاایک سال مکمل ہونے پر ملی نغمہ ریلیز
آئی ایس پی آر نے آپریشن ضرب عضب کاایک سال مکمل ہونے پر ملی نغمہ ریلیز کیا۔ جس پاک فوج کے جوانوں اور شہداء کو خراج تحسین پیش کیا گیا۔
گانے کے بول یہ ہیں’’ ان کے اپنے کوئی نام نہیں پر کام کے سارے پکے ہیں ہر گھر میں انکے بچے ہیں، جب رات اکیلی ہو آئی یہ تب سورج کے ساتھ رہے، جب مشکل بھی ہو گھبرائی ان کے ہاتھوں میں ہاتھ رہے،یہ بندے مٹی کے بندے یہ جھنڈے مٹی کے جھنڈے‘‘۔
پاک فوج کا یہ گیت حب الوطنی کی شاندار مثال ہے اور سننے والوں کا لہو گرما دیتا ہے۔
آپریشن کا ایک سال مکمل ہونے پر وزیراعظم کی مبارکباد، شہداء کو خراج عقیدت
وزیرِاعظم نواز شریف نے آپریشن ضرب عضب کا ایک سال مکمل ہونے پر قوم کومبارکباد دی ہے، وزیراعظم کا کہنا ہے کہ آپریشن ضرب عضب حکومت کے دہشتگردی کو جڑ سے اکھاڑ پھینکنےکےعزم کاعکاس ہے۔
وزیراعظم نوازشریف کا کہنا ہے کہ قوم فوجی جوانوں کی عظیم قربانیوں کو ہمیشہ یاد رکھےگی، پُرخطر محاذ پر لڑنے والے اپنے آج کو قوم کے مستقبل پر قربان کررہے ہیں، وہ بیٹوں، بھائیوں اور شوہروں کی قربانیاں دینے والوں کے شکر گزار ہیں۔
وزیرِاعظم کا کہنا ہے کہ قربانیوں کی وجہ سے دہشت گردی کا قلع قمع ہورہا ہے اور پاکستان ترقی کی منازل طے کررہا ہے، پوری قوم مادر وطن کے تحفظ کے لیے لڑنے والوں سے اظہارِ یکجہتی کرتی ہے۔
آئی ایس پی آر کی جانب سے آپریشن ضرب عضب کی تفصیلات جاری
ترجمان پاک فوج میجر جنرل عاصم سلیم باجوہ نے آپریشن ضرب عضب کی تفصیلات جاری کردیں۔
دہشتگردوں کے خلاف پاک فوج کے فیصلہ کن آپریشن ضرب عضب کو 15 جون کو ایک سال مکمل ہوگا، ایک سال کے عرصے میں پاک فوج نے قربانیوں کی نئی تاریخ رقم کرتے ہوئے دہشتگردوں کے مذموم عزائم خاک میں ملا دئیے۔
ڈی جی آئی ایس پی آر میجر جنرل عاصم سلیم باجوہ نے بتایا کہ آپریشن ضرب عضب میں ایک سال کےدوران نوہزار سے زیادہ انٹیلی جینس بیس آپریشن کیے گئے۔
#ZarbeAzb:1 year since start,significant achievements in FATA spec NWA&Khyber.Strong holds,Comm Infrastructure,sanctuaries largely cleared-1
— AsimBajwaISPR (@AsimBajwaISPR) June 13, 2015
#ZarbeAzb:1 year since start,significant achievements in FATA spec NWA&Khyber.Strong holds,Comm Infrastructure,sanctuaries largely cleared-1
— AsimBajwaISPR (@AsimBajwaISPR) June 13, 2015
ڈی جی آئی ایس پی آر کے مطابق زمینی وفضائی حملوں میں دوہزار سات سو تریسٹھ دہشتگردوں کو ہلاک کیا گیا، جن میں سے دوسواٹھارہ انتہائی خطرناک تھے۔
عاصم سلیم باجوہ نے کہا کہ مختلف کارروائیوں میں دہشتگردوں کےآٹھ سو سینتیس ٹھکانےتباہ ہوئے، ڈھائی سو ٹن سے زیادہ دھماکا خیز مواد قبضے میں لیا گیا۔
Z-e-A:Op moves to last few pkts close to PakAfgn border.So far 2763 terrorists killed,837 hide out destroyed.253 tons explosive recovered-2 — AsimBajwaISPR (@AsimBajwaISPR) June 13, 2015
Z-e-A:9000 IBOs apprehended thousand terrorists,abettors&killed 218 hard core terrorists in cities.347 offrs,soldiers embraced shahdat-3
— AsimBajwaISPR (@AsimBajwaISPR) June 13, 2015
Z-e-A:18087 weapons including HMG,LMG,sniper rifles,rocket launcher,AK-47s searched out of terrorists hide outs from NWA alone.Base denied-4
— AsimBajwaISPR (@AsimBajwaISPR) June 13, 2015
Z-e-A:Whole nation came together to totally eliminate terrorism from http://t.co/TAq2segJXi,civ society playing +ve role 2 help end menace-5 — AsimBajwaISPR (@AsimBajwaISPR) June 13, 2015
آئی ایس پی آر کے مطابق خاکِ وطن کی حفاظت کرتے ہوئے تین سو سینتالیس جوان اور افسرشہید ہوگئے۔
ڈی جی آئی ایس پی آر نے اپنے ٹوئٹ میں بتایا کہ پوری قوم دہشتگردی کے خاتمے کے لئے پاک فوج کے ساتھ کھڑی ہے جبکہ میڈیا اور سول سوسائٹی نے بھی مثبت انداز میں پاک فوج کی مدد کی ہے۔
Z-e-A:Will continue ops for terror free Pak.Few effects;improved envmt;Chinese Pres&other dignitaries’ visits,Pak-Zimb cricket,CPEC-6
— AsimBajwaISPR (@AsimBajwaISPR) June 13, 2015
واضح رہے کہ شمالی وزیرستان میں پاکستانی ریاست کئی بار دہشت گردوں کے چھوٹے چھوٹے گروہوں کے ساتھ محدود علاقوں کے لیے امن معاہدے کرتی رہی ہے، لیکن پہلی بار وفاقی حکومت نے براہِ راست تحریکِ طالبان پاکستان کے ساتھ مذاکرات کی پالیسی اپنائی۔ لیکن تمام تر مزاکرات کی ناکامی کے بعد دہشتگردوں نے 8 جون 2014 کو کراچی کے جناح انٹرنیشنل ائیرپورٹ پر دہشت گردوں نے حملہ کردیا۔
آٹھ جون دوہزار چودہ کو کراچی، پاکستان کے جناح انٹرنیشنل پر 10 دہشت گردوں نے حملہ کیا۔ کل 31 افراد بشمول 10 دہشت گرد ہلاک ہوئے، تحریک طالبان پاکستان نے حملے کی ذمہ داری قبول کی ہے اور اسے اپنے سابقہ سربراہ حکیم اللہ محسود کے قتل کا بدلہ قرار دیا ہے جو ایک ڈرون حملے میں نومبر 2013 کو شمالی وزیرستان میں مارا گیا تھا۔
سیاسی وعسکری قیادت کادہشتگردوں کے خلاف فیصلہ کن کارروائی آپریشن ضرب عضب کا اعلان کیا۔
