کراچی : وزیرِ بلدیات شرجیل میمن نے دعوی کیا ہے کہ ایک ماہ میں شہر کی صورت نہ بدلی تو وزرات سے مستعفی ہوجائیں گے۔
صوبائی وزیرِ بلدیات تجاوزات کے خلاف ایکشن میں آگئے ہیں، شرجیل انعام میمن نے میڈیا سے گفتگو کرتے ہوئے کہا کہ اب گھوسٹ ملازمین رہیں گے یا میں رہوں گا۔
وزیر بلدیات نے دعوی کیا کہ کراچی کی صورت بدلنے کے لئے ایک ماہ مانگا ہے۔
شرجیل میمن نے کہا کہ کرپشن میں ملوث افسر خود کو نوکری سے باہر سمجھیں، ان کا کہنا تھا کہ گرین بلٹس اور پارکس میں قائم شادی ہالز کے خلاف بھی کارروائی کی جائے گی۔
ان کا کہنا تھا کہ شہر کی سڑکیں اور پارک بیچ دیئے گئے ہیں۔
