The news is by your side.

Advertisement

برقعہ اونجربھارت میں دھوم مچانے کوتیار

پاکستان کی پہلی اینیمیٹڈ کارٹون سیریز ’برقعہ اونجرز‘ بھارتی ٹی وی چینل پر دھوم مچانے کو تیار ہے۔

کارٹون کا مرکزی کردار جیا نامی ایک اسکول ٹیچر ہے جو برقعے کی آڑ میں روپوش ہوکرجرم کے خلاف لڑتی ہے۔

دنیا کے دوسرے سپر ہیروز کی نسبت اس سپر ہیرو کے پاس دنیا کے طاقتورترین ہتھیار یعنی قلم اور کتا ب ہیں جن کی مدد سے وہ جرم کے خلاف لڑتی ہے۔

اس کارٹون سیریز کے تخلیق کار مشہور گلوکار اور کمپوزہارون رشید ہیں اور ان کا یہ شاہکار کارٹون شو پاکستان کے بعد بھارتی ٹی وی چینل ’’زی کیو‘‘پر تہلکہ مچانے کے لئے تیار ہے۔

download (1)

ہارون کا کہنا ہے کہ اس کارٹون میں اور دوسرے کارٹونز میں بنیادی فرق یہ ہے کہ یہ ایک حقیقی نظریے پر مبنی ہے۔
اس کارٹون کی مرکزی کردار جیا ان عناصر کے خلاف بر سرِ پیکار ہے جو کہ لڑکیوں کو اسکول جانے سے روکتے ہیں۔

بھارت کے کارٹون چینلز پر ابھی تک وہاں کے مقامی کارٹون جن میں موٹو پتلو اور چھوٹا بھیم جیسے کارٹون شامل ہیں چھائے رہے ہیں لیکن اب انہیں مقابلہ کرنا ہے ایک ایسی سپر ہیرو سے جس کی بنیاد سچائی اور قلم اس کا ہتھیار ہے۔

Comments

comments

یہ بھی پڑھیں