کوئٹہ: بلوچ زبان کے اہم شاعر، ادیب اورسیاسی شخصیت میر گل خان نصیر کےحوالے سے دو روزہ انٹرنیشنل کانفرنس کوئٹہ میں شروع ہوگئی۔
بلوچ زبان کے عظیم شاعر،ادیب ،صحافی اور سیاسی سرخیل میر گل خان نصیر کی خدمات پر صد سالہ تقریبات کے سلسلے میں محکمہ ثقافت بلوچستان کے زیر اہتمام دوروزہ بین الاقوامی کانفرنس کوئٹہ کے مقامی ہوٹل میں شروع ہوگئی ہے۔
،افتتاحی تقریب میں گورنربلوچستان محمد خان اچکزئی اور وزیر اعلی ڈاکٹر عبدالمالک بلوچ نے شرکت کرکے میر گل خان نصیر کی خدمات کو خراج عقیدت پیش کیا۔
تقریب سے خطاب کرتے ہوئے گورنراور وزیرِاعلی بلوچستان کاکہنا تھا کہ خطے کے باسی میر گل خان نصیر کی متعین کردہ راہوں سے انکار نہیں کرسکتے۔
کانفرنس میں ملکی شعراء ،ادباء اور سیاسی رہنماؤں کے علا وہ افغانستان ،ایران ،ترکمانستان ،سعودی عرب،آذر بائیجان،جاپان،یوکرائن اور سلطنت اومان سے تعلق رکھنے والے مندوبین بھی شریک ہیں کانفرنس ہفتے کو بھی جاری رہے گی۔
