ڈھاکہ : بنگلہ دیش کی ایک عدالت نے ملک کی سابق وزیر اعظم اور اپوزیشن لیڈر خالدہ ضیاء کے وارنٹ گرفتاری جاری کردیے ہیں،ان پر گزشتہ ماہ ہونے والے حکومت مخالف احتجاج میں تناؤ پیدا کرنے کا الزام بھی ہے جس میں تقریباً 100 افراد ہلاک ہوئے تھے۔
اینٹی کرپشن کی عدالت نےخالدہ ضیا کے وکیل کی مہلت کی درخواست رد کرتے ہوئے وارنٹ گرفتاری جاری کیے۔
خلادہ ضیا کی وکیل کا کہنا ہے کہ وارنٹ گرفتاری جاری کرنا انصاف نہیں ہے۔
- Advertisement -
خالدہ ضیا پر 2001 سے 2006 تک جاری ان کے دورِحکومت میں ان پر ساڑھے چھ لاکھ امریکی ڈالر کی کرپشن کے الزامات میں انہیں ملزم نامزد کیا گیا ہے۔
خالدی ضیا سیکیورٹی وجوہات کی بناءپر عدالت میں پیش نہیں ہوسکیں۔ انکی پارٹی کے رہنماؤں نے کرپشن کے الزامات کو سیاسی قرار دیا ہے۔
