site
stats
عالمی خبریں

بھارتی تعلیمی ادارے نے ایڈمٹ کارڈ پرطالب علم کی جگہ کتے کی تصویرچھاپ دی

کلکتہ: بھارت میں محکمۂ تعلیم سے ایک انتہائی شرمناک غلطی سرزد ہوئی ایک طالب علم کے ایڈمٹ کارڈ پراس کی جگہ کتے کی تصویر چھاپ دی جس کے بعد پولیس نے طالب علم کو ہی حراست میں لے کرتفتیش شروع کردی۔

بھارتی میڈیا کے مطابق ریاست مغربی بنگال کے شہرمدناپورمیں ایک طالب علم سومیادیپ ماہتو نے انڈسٹریل ٹریننگ انسٹی ٹیوٹ میں داخلہ ٹیسٹ کے لئے جب اپنا ایڈمٹ کارڈادارے کی ویب سائٹ سے ڈاؤن لوڈ کیا تو وہاں اس کی تصویر کی جگہ ایک کتے کی تصویر موجود تھی جس کے ساتھ اس کے گھر کا پتا اوراس کے مکمل کوائف بھی درج تھے۔

طالب علم نے فوری طورپرمتعلقہ ادارے سے فون پررابطہ کیا اوراپنی شکایت درج کرائی تاکہ اسے دورانِ امتحان کسی قسم کی مشکلات کا سامنا نہ کرنا پڑے۔

بعد ازاں مذکورہ امتحان پرچہ لیک آؤٹ ہونے کی وجہ سے منسوخ کردیا گیا تاہم پولیس نے طالب علم کو حراست میں لے کر اس سے تفتیش شروع کردی ہے۔

مغربی بنگال کے ٹیکنیکل اینڈ ٹریننگ ایجوکیشن کے وزیراجل بسواس کا کہنا ہے کہ مذکورہ طالب علم سے تفتیش کی جارہی ہے تاکہ اصل حقائق کے بارے میں معلوم کیا جاسکے۔

ان کا موقف ہے کہ کیونکہ طلبا خود اپنے ہاتھوں سے فارم بھرتے ہیں اوراس میں تصویربھی خود ہی چسپاں کرتے ہیں اگراس حرکت میں طالب علم خود ہی ملوث پایا گیا تو اسے گرفتارکرکے قانون کے مطابق سزا دی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top