سری نگر: غلطی سے لائن آف کنٹرول عبور کرنیوالے آزاد کشمیر کے گیارہ سالہ بچے کو بھارتی حکام نے واپس بھیج دیا۔
تفصیلات کے مطابق آزاد کشمیر کے اٹھمکام علاقے سے گزشتہ دنوں ایک 11سالہ بچے سمیر احمد کیانی نے غلطی سے ایل او سی عبور کر لی تھی ، جیسے بھارتی بارڈر سکیورٹی فورسز نے پکڑ کر پولیس کے حوالے کر دیا۔
بھارتی حکام کے مطابق بچے کو پکڑے جانے کے بعد پاکستان کو ہاٹ لائن پر سمیر کی حفاظت اور خیریت سے متعلق پیغام دے دیا گیا تھا، پیغام میں فوری طور پر سمیر کی اُس کے خاندان کو واپس کرنے کے لیے فلیگ میٹنگ کی بھی درخواست کی گئی تھی۔
بچے کو2دنوں تک پولیس نے اپنی تحویل میں رکھا، گزشتہ روز بچے کو آزاد کشمیر حکام کے حوالے کر دیا گیا۔ بھارتی حکام نے سمیر احمد کو نئے کپڑے سرحد پار موجود ان کے خاندان کے لیے مٹھائی کے ساتھ رخصت کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں