بیسویں کامن ویلتھ گیمز کا آج رنگارنگ تقریب کے ساتھ آغاز ہورہا ہے -
The news is by your side.

Advertisement

بیسویں کامن ویلتھ گیمز کا آج رنگارنگ تقریب کے ساتھ آغاز ہورہا ہے

گلاسگو :بیسویں کامن ویلتھ گیمز کا آج رنگا رنگ تقریب کے ساتھ آغاز ہورہا ہے، پاکستان آٹھ کھیلوں میں میڈلز کے لئے قسمت آزمائی کرے گا۔

کامن ویلتھ گیمز کی افتتاحی تقریب گلاسگو کے سیلٹک پارک میں ہوگی، جسے دیکھنے کے لئے چالیس ہزار تماشائی اسٹیڈیم میں موجود ہوں گے، ملکہ کامن ویلتھ گیمز کا باقاعدہ آغاز کریں گی۔

افتتاحی تقریب میں اکہتر ممالک کے چار ہزار پانچ سو ایتھلیٹ پریڈ کریں گے، گزشتہ کامن ویلتھ گیمز کے میزبان ہونے کے سبب بھارت پریڈ کو لیڈ کرے گا، افتتاحی تقریب کے بعد میڈلز کی جنگ جمعرات سے شروع ہوگی، جو تین اگست تک جاری رہے گی۔

پاکستان بارہویں مرتبہ دولت مشترکہ کھیلوں میں حصہ لے رہا ہے، اس بار پاکستان کا باسٹھ رکنی دستہ آٹھ کھیلوں میں شریک ہے،جن میں بیڈمنٹن، کشتی، نشانہ بازی، جمناسٹکس، باکسنگ، ویٹ لفٹنگ، ٹیبل ٹینس اور اتھلیٹکس شامل ہیں۔ پاکستان کے قومی کھیل ہاکی کی ٹیم پہلی بار کامن ویلتھ گیمز میں شامل نہیں ہے۔

اس سے قبل گیارہ ایونٹس میں پاکستان نے مجموعی طور پر چوبیس گولڈ میڈلز حاصل کیے ہیں، کامن ویلتھ گیمز میں ستر ممالک کے درمیان دو سو اکسٹھ کھیلوں کے مقابلے ہوں گے، گیمز کی اختتامی تقریب تین اگست کو ہیمڈن اسٹیڈیم میں ہوگی۔

Comments

comments

یہ بھی پڑھیں