site
stats
پاکستان

تحریک ِجعفریہ بحال، علامہ ساجد نقوی کا خیرمقدم

لاہور:علامہ ساجد نقوی نے کہا ہے کہ سپریم کورٹ کی جانب سے تحریک جعفریہ کی بحالی خوش آئند ہے، آئندہ اسی پلیٹ فارم سے سرگرمیاں جاری رکھیں گے۔

لاہور میں اے آر وائی نیوز سے گفتگو کرتے ہوئے علامہ ساجد نقوی نے کہا کہ وہ سپریم کورٹ کی جانب سے تحریک جعفریہ پاکستان کو بحال کرنے کے فیصلے کا خیر مقدم کرتے ہیں انہوں نے کارکنوں کو بھی مبارکباد دی۔

ان کا کہنا تھا کہ تحریک جعفریہ پر 12جنوری 2002 میں آمرانہ سوچ کے تحت پابندی لگائی گئی تھی، ان کی جماعت کا پاکستان میں مذہبی ہم آہنگی کے لیے اہم کردار ہے۔

ملی یکجہتی کونسل، پیپلز پارٹی اور مسلم لیگ ن کے ساتھ سیاسی اتحاد ہماری امن پسندی کی واضح مثال ہے۔

علامہ ساجد نقوی نے کہا کہ آئندہ اسلامی تحریک پاکستان کی بجائے تحریک جعفریہ کے پلیٹ فارم سے تنظیمی سرگرمیاں جاری رکھیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top